ముర్గ్ మకాయ్:
కావలసిన పదార్థాలు :
చికెన్ బ్రెస్ట్స్ - అరకేజి (స్కిన్‌లెస్, బోన్‌లెస్)
మొక్కజొన్న గింజలు - రెండు కప్పులు
తాజా పెరుగు - మూడు టేబుల్ స్పూన్లు
వెల్లుల్లి రెబ్బలు - పది
అల్లం - చిన్న ముక్క (తరగాలి)
క్యాప్సికమ్ ముక్కలు - ఒక కప్పు
టొమాటోలు - నాలుగు (తరగాలి)
పచ్చిమిర్చి - రెండు (సన్నగా తరగాలి)
కారం, పసుపు - ఒక్కోటి అర టీస్పూన్ చొప్పున
ధనియాల పొడి - ఒకటిన్నర టీస్పూన్
గరం మసాలా పొడి - ఒక టీస్పూన్
నూనె లేదా నెయ్యి - రెండు టేబుల్ స్పూన్లు
తాజా కొత్తిమీర - కొద్దిగా (తరగాలి)
ఉప్పు - రుచికి సరిపడా.
తయారుచేసే పద్ధతి :
చికెన్ బ్రెస్ట్‌ను శుభ్రంగా కడిగి చదరపు ముక్కలుగా కోసుకోవాలి.
టొమాటోలు మిక్సీలో వేసి గుజ్జుగా చేసి పక్కన పెట్టుకోవాలి.
మొక్కజొన్న గింజల్లో నాలుగు కప్పుల నీళ్లు పోసి కొద్దిగా ఉప్పు వేసి మెత్తబడే వరకు ఉడికించాలి. వాటిని వడకట్టాలి.
నాన్‌స్టిక్ పాన్‌లో నెయ్యి వేసి అది వేడెక్కాక అల్లం, వెల్లుల్లి, పచ్చిమిర్చి ముక్కలను వేసి వేగించాలి. ఇందులో టొమాటో గుజ్జు వేసి సన్నటి మంట మీద కాసేపు ఉంచాలి. ఆ తరువాత చికెన్ ముక్కలు వేసి కలిపి ఎక్కువ తక్కువ కాకుండా ఓ మాదిరి మంట మీద ఉడికించాలి. కొద్ది సేపటి తరువాత ఉప్పు, మసాలా దినుసులు వేసి మధ్య మధ్యలో కలపాలి. ఆ తరువాత పెరుగు, ఉడికించిన మొక్కజొన్న గింజలు, క్యాప్సికమ్ ముక్కలు వేసి మసాలా దగ్గర పడి, చికెన్ ముక్కలు ఉడికే వరకు ఉంచాలి. చివరగా కొత్తిమీరతో అలంకరించి వేడివేడిగా రోటి లేదా నాన్‌తో తింటే వర్షపు ముసురుకు భలే రుచిగా ఉంటుంది.
